دى لا باظت ولا خرب
تولا جابت جاز لامؤاخذه
دى عيشه ظريفه جدا
ولا فتنه اتضربت
ولا حد بيشتكى لحظه
ماشيه والاشيه معدن
عايشين فى حريه
زمن القيود اختفى
اتحدى لو واحد يوم
اتضرب بالقفا
والناس بتختشى
ولا حد بيرتشى
الله على الحياه
بقى لونها شفتشى
ده احنا لا صوتنا اتنبح
ولا فى مالطه بندن
متفأئلين بالفقر الضنك
تعليم وعلاج وحساب فى البنك
والشقق مرميه
واللحمه بسبعه جنيه
وساعات تلاقيها بسته
والكل منتعش والكل منتشى
الله على الحياه
بقى لونها شفتشى
ده احنا لا صوتنا اتنبح
ولا فى مالطه بندن
3 comments:
الف مبروك على افتتاح المدونه
ومنتظرين المواضيع الجامده
هم يضحك وهم يبكى
مدونه جميله....
كل التحيه
السلام عليكم
الف مبروك على المدونة الجديدة
وبهذه المناسبة
فيه واجب لحضرتك على مدونتي
Post a Comment